بسم الله الرحمن الرحيم ..
أهلاً بكم فى أول تدوينة ليا ^ ^
أنا عايزة أول تدوينة ليا يبقى إسمها " تدوينة ثائرة "
السؤال إللى هيخطر فى ذهن أى حد دلوقتى ليه سميتها كده ؟!
الإجابة : هى لأنى تذكرت أيام الميدان الجميلة إللى عمرى أبداً مش هنساها ..
تذكرت لما كنت بوزع مياه على الناس الكبيرة فى السن فى عز الحر
تذكرت لما نزلت أجمع تمرد من الناس وجمعت شوية مش وحشين
تذكرت لما روحت أرسم على وشى عبم مصر ولما الراجل عرف إنى فى أمن الميدان مرضاش يآخد أى فلوس
تذكرت لما كان علم مصر بيطير فى الهوا
تذكرت لما أنا وأصحابى قعدنا نغنى فى الميدان وعملنا فرقة
تذكرت لما بقابل أم صاحبتى فى الميدان وتقولى مصر هتبقى حاجة علشان إنتوا فيها
تذكرت وأنا نازلة أجرى على الميدان بعد ما جيت غيرت ورايحة أجرى علشان أروح مع أصحابى
تذكرت يوم ما صوتى رااح من الهتاف وأنا وأصحابى كنا مروحين فى الشارع بنرتب إزاى هنروح تانى يوم
تذكرت أجواء الميدان الدافية دى إللى بحس فيها إنى واخدة راحتى أكتر من بيتى
تذكرت .. تذكرت .. تذكرت .. حاجات كتير أوى عمرى ما هنساها علشان أصلاً الحاجات دى إللى مخلية قلبى مليان أمل
وحب للمستقبل والحياة .. !
أنا صحيح صغيرة فى السن لكن ده عمره ما هيمنعنى من تحقيق حلم كبيير رغم إنى صغيرة لكن أنا عليا دوور كبير أوى فى المجتمع ده .. وكل شخص أياً كان سنة فــ هو عليه مسئوليات تجاه البلد دى .
نفسى كل واحد بجد يقرأ الكلام ده يغير فكرته عن الشاب إللى زينا
وكل واحد كان بيقولى يعنى إنتِ إللى هتصلحى !
هفضل أرد وأقول هبدأ بنفسى ولما غيرى يلاقى السلوك ده منى هيحاول يبقى زى .. ^ ^
شكراً لكم على سماع رأى المتواضع ..
أخيراً اسمعوا دى ♥ أغنية أنا الصاحى - قلب الميدان =))
صحيح إنك صغيرة فى السن عن ناس كتير وأجيال قبلك كتير بس إنتى أكبر منهم بعقلك وتفكيرك وحماسك وتفاؤلك وأكبر من كدة وطنيتك وحبك لبلدك , خاطئ اللى ياخد بمقياس السن
ردحذفربنا يخلى حضرتك لكن بجد كلمة صغيرة أوى من دول هما إللى بيخلونى أكمل .. :D
حذفجميلة بجد
ردحذفشكراًًً :))
حذف